#الجزء_الخامس
بعد اشهر
سنا:يا الله ياماما شو شتقتلن كلهن
ماجدة:مو قدي حبيبتي....صرلي 6 شهور ماشفت مها...كتير تعزبت لرضيو يجو يعملو عيد ميلاد تيم عنا
سنا:يؤبرني اكيد بيكون حليان كتير
ماجدة:اكيد
سنا:ماما....قولك معقول خالي يكون حبها لروح؟
ماجدة:نشالله ياعمري نشالله منى عيني شوفو مبسوط بحياتو
دخل عادل
عادل:مرحبا....عن مين عم تحكو؟؟
ماجدة:عم نحكي عن اخي و ابنو...جايين اليوم لنحتفل بعيد ميلاد ابنو
عادل:اممم...حلو كتير...حبيبتي معلش اعزم اخي و مرتو على عيد الميلاد
ماجدة:اخوك؟
عادل:اي حبيبتي...مالو زمان جاية من البرازيل هو و مرتو وحابب اعزمهن لعرفهن عليكي و عرفك عليهن
ماجدة:طيب....مافي مشكلة اعزمهن
عادل:اوك....هلأ بتصل فيهن
ماجدة:طيب...انا رح قوم شوف الخدم اذا محضرين كل شي
عادل:اوك حبيبي
بعد ماراحت ماجدة
عادل:شو ياحلوة؟؟(ضحك ضحكة خبيثة)ماقررتي تحني عليي شوي؟
سنا:عمو عادل كرمال الله حل عني...تركني بحالي بقا!!!
عادل(مسح على خد سنا)اي شو حل عنك!!!معقول شوف هالجمال و اتركو لغيري و انا احق فيه
سنا:انا.....انا طالعة لغرفتي
عادل:ههههه....اخرتك رح توقعي بين ايديي
_طلعت سنا عالدرج ركد و وصلت لغرفتها وقفلت الباب عحالها و قلبها عم يدق بسرعة من الخوف من عادل
الي تزوج امها بعد سفر مها بشهرين....بدون عرس او شي
والي تعودت على وساخة حركاتو معها...و صار عندها عادة قفل الباب على حالها كل مادخلت لمكان من خوفها ليدفش الباب و يدخل لعندها....لانو محاولاتو بالاعتداء عليها كترت بآخر فترة....وماكان في عندها مهرب ولاكان فيها تخبر امها بهالشي لانو مورجيها حالو بصورة الحمل الوديع وصعب تصدقها بدون دليل
بس جية نادر و مها و روح اليوم رح توقفو عن هالافعال
عالاقل لفترة و ماعاد يسترجي يتخطى حدودو بوجودهن
بعد الضهر وصلو المسافرين و سنا طار عقلها بشوفتهن و اكتر شي بشوفة اختها مها بعد هالغياب_
سنا:شتقتلكن كتييير....عنجد كتيير شتقتلكن..مابقا تروحو وتتركوني
مها:تؤبشيني والله ونحنا شتقنالك اكتر
روح:والله قعدتنا هون مرتبطة بخالك هو بيقرر نبقى او نرجع نسافر
سنا:رح اعمل جهدي اقنعو تبقو هون على طول
مساء نفس اليوم
ماجدة:يلا ياجماعة تفضلو ليطفي تيم الشموع
عادل:لحظة....ممكن تنطرو شوي ليوصل اخي و مرتو
ماجدة(طلعت بنادر)شو اخي؟
نادر:مافي مشكلة...مننطر شوي كمان
رن جرس البيت
عادل:اكيد هدول هنه
متل العادة تيم بحضني....ونادر قاعد مقابلي و جنبو ماجدة والبنات بالجهة التانية....كنت عم لاعب تيم لما شفت الضيوف دخلو و مع دخلتهن طلعت على نادر للاقي وجهو مخطوف لونو و نظراتو جامدة بمحلها و هو عم يطلع بالضيف و مرتو
رائد:مسالخير ياجماعة
نجوى:مسالخي.....(جمدت وقت شافت ماجدة و نادر)
نادر:هاد انتي نجوى!!!!!
نجوى:(باستغراب)نادر!
ماجدة:عادل هدول هنه اخوك ومرتو
عادل:انتو بتعرفو بعض!!!!!
نادر:عز المعرفة ياصهري العزيز.....(صرخ)روح!!!خدي تيم وطلعي لفوق
نجوى:لحظة لحظة....هاد ابني ؟؟؟؟
نادر:لا....هاد مو ابنك ابنك مات
قربت مني نجوى لتشوف تيم وحاولت تحط ايدها عليه بس نادر شدني لجنبو انا وتيم و منعها من هالشي
نجوى:نادر لاتكزب هاد ابني....ابني و اليوم عيد ميلادو
نادر:عم قلك ابنك ماااااات....وهاد ابني انا..
نجوى:مين امو؟
نادر:امو....امو بتكون روح مرتي الي تزوجتا بعد ما نقلعتي...هي عيلتي الجديدة
رائد:نجوى خلينا نمشي
نجوى:موقبل ما اتأكد انو هاد ابني
نادر:(بيصرخ)عم قلك موووو ابنك!!!خدي زوجك ونقلعي من هون يلا!!!
نجوى:مستحيل...هاد ابني
ماجدة:و الك عين تقولي ابني كمان!!!الك عين تفوتي بيتي بعد كل شي عملتيه بأخي
نجوى:هاد موضوع مابيخصك
ماجدة:لاحبيبتي بيخصني ونص كمان....تيم ابن اخي من مرتو روح و ابنك ريان مات بعدما هربتي بكم يوم
نجوى:ايمتا لحقت تتزوج و تحمل مرتك و تخلف ولد و يصير عمرو سنة و انا ماصرلي تاركتك الا سنة....فهمني ياها لهي
نادر:سمعي نجوى....هاد الولد....هو ابنك....بس اذا بتطولي السما مارح تطولي عم تفهمي....مافي قوة بالدنيا كلها رح تقدر تخليكي تشوفيه او تحمليه
نجوى:بالقانون بدي اخدو منك....هاد ابني و من حقي شوفو ومن حقو يربى بحضن امو
سحبت تيم من ايدي وهو صار يبكي و يرمي حالو عليي ويقول ماما
نجوى:لك وعم يقلها ماما....هيك بكل بساطة...مين انتي ياحشرة حتى تسرقي ابني مني ويقلك ماما
نادر:احترمي حالك قلتلك روح مرتي
نجوى:ما عأساس بتحبني و ميت على فراقي و ياما ناس شايفينك سكران بالنوادي اليلية بعد ماتركتك
نادر:هاد شي مابيخصك و روح قدرت تنسيني ياكي وتنسيني انو كان في وحدة بالوجود اسمها نجوى
نجوى:هههههه لا واضح من نظراتك الي اول مادخلت و من المحابس الي مالكن لابسينهن
نادر:ماخصك بهالحكي و هاتي الولد من ايدك
رجع نادر سحب تيم من ايد نجوى وتيم خاف بزيادة و صار يبكي اكتر من اول
ماجدة:خلصنا انتو التنين!!!!!!.....روح...خدي تيم و طلعي لغرفتك
روح:عطيني تيم
نادر:خديه و طلعي لفوق وماتنزلي لينقلعو هدول الاوباش
اخدت تيم و طلعت على غرفتي...عطيتو رضعة حليب و نام بحضني و انا خايفة عليه كتير....خايفة امو تسرقو مني...انا تعلقت فيه و كأنو ابن قلبي وما فيني فكر انو حدا يسرقو من حضني....تذكرت حكي نادر لما قال انا مرتو....و اني قدرت نسيه نجوى....مابعرف اذا هالكلام صح او لأ....بس المهم هلأ انو تيم مايفارق حضني
بصالون البيت
عادل:ياجماعة اهدو شوي...هيك مابيمشي الحال
نادر:(بعصبية)بدي افهم كيف قبلتي تتزوجيه لهاد قبل ماتعرفي اصلو و فصلو
@rwayate
عادل:شو دخلني بأخي و تصرفاتو؟
نادر:والله العرق دساس و مارح تكون احسن منو و لعلمك انا مالي مستنضفك من الاول و بوعدك عيوني تبقى عليك لاني متأكد انك عم ترسم لشي و فوتك على هالبيت مو ل الله
عادل:انا مابسمحلك تحكي معي هيك احترم حالك
نادر:ان سمحت و ان ما سمحت مالي ناطر اذنك وانتو تفضلو من غير مطرود
رائد:انت زودتا كتير يانادر و لولا نجوى و خاطرها عندي كان الي تصرف تاني
نادر:بالله شو!!!
نجوى:سماع نادر...انا مارح اطلع من هون الليلة لاخد ابني معي....و باقل تقدير بدي وعد منك انك تخليني شوفو على طول
نادر:ولد الك ماعندي منيح هيك....روحي دوري على ابنك بغير بيت...هاد الولد ابني
نجوى:لاتخليني الجأ للقانون لاخدو منك انت بتعرف انو حضانتو الي
نادر:الجأي للقانون و الي بيطلع بايدك عمليه عم قلك ولد مااالك عندي..يلا هلأ فرقونا
رائد:هاد زودها كتير....امشي نجوى...انا رح جبلك ابنك بالقوة اذا اضطريت
نادر:اييدك وماتعطي
مشيو نجوى و رائد و طلع نادر لفوق بسرعة و نقر على باب غرفتي و دخل فورا
نادر:معك ساعة...مو ساعة....نص ساعة غراضك و غراض تيم بدهن يكونو بالسيارة
روح:لوين رح تاخدنا
نادر:هلأ مابعرف بس المهم نهرب من هون
روح:طيب خود تيم و تركني
نادر:من كل عقلك عم تحكي!!!تيم مفكرك امو و انتي الي مربيتيه و بدك اخدو و اتركك؟؟؟....بعدين....بخاف يئذوكي اذا تركتك هون لهيك امشي معي يلا
روح:(تنهدت)طيب....رح حط تيابنا بالشنتة
نادر:بسرعة....خلصي و لحقيني انا رح انطرك بالسيارة
روح:لحظة..بلكي عادل شافنا و خبر اخوه؟
نادر:__
روح:شو قلت
نادر:طيب معك حق....رح ننطر لينام الكل...وبعدها منمشي
روح:طيب
قرب من تيم و مسح على شعرو وباسو
روح:لاتخليها تاخدو الله يخليك
نادر:لاتخافي....مارح تقدر في شي مابتعرفو لاهيه و لاغيرها
روح:شي خطير؟؟
نادر:بس يجي وقتو بتعرفي....الساعة 3 بلاقيكي عند درج البيت و منطلع سوا
روح:طيب
نادر:تصبحي على خير
_كانت ليلة تقيلة و بطيئة ماغمضلي جفن و انا سهرانة جنب تيم و حاضنتو من خوفي ليسرقوه مني
صح انا مو امو بس الام مو بس الي بتحمل الام الي بتربي و انا ربيت تيم بكل حب و حنان الام
عاطفة الامومة فيني خلتني حس مو بس اني امو انو هو قطعة مني و اغلى من روحي و لازم دافع عنو بكل قوتي
بقيت سهرامة و عالساعة 3 تمام نقر نادر على باب غرفتي نقر خفيف...حملت تيم و دخل نادر حمل شنتتنا
و نحنا ماشيين لمح نادر صهرو واقف على باب غرفة البنات. بالجهة التانية...دخلني على غرفتو وطلعت عليه من شق الباب...راح باتجاه عادل على مهلو و وقف على مسافة قريبة ليسمع شو عم يحكي_
عادل(بهمس)فتحي لك عمي والله مارح ائذيكي رح نتسلى شوي سوا
سنا(تبكي)روح من هووون...روح مشان الله
عادل:لك صرلي شهر كل يوم بجي لعندك وبترجاكي تفتحيلي....لك والله انا بحبك ياصغيرة...فتحيلي خليني ملي عيوني من جمالك
سنا:اقسم بالله اذا مارحت لاصرخ صوت لم عليك البيت
او رح اتصل بخالي على جوالو يجي يشوفك
عادل:الكل غرقان بنومو وماحدا رح يسمعك...فوتيني لعندك 10 دقايق بس وبعدها رح اطلع فورا
طالع نادر جوالو و بدون مايحس عادل بعت مسج لسنا تفتح الباب و تخليه يفوت و هو رح يكون وراه ومارح يسمحلو يلمسها دقيقتين و فتحت سنا الباب
عادل:اي هيك هااا....دخيل عينك شو بتفهمي..تعي لقلك بقا
نادر:اي تعا لقلك انا بقاااااا
شدو من كنزتو لورا و بلش فيه ضرب ماخلا مكان بجسمو ماضربو وفش كل خلقو فيه....وعالاصوات صحيت ماجدة و ركدت لغرفة البنات لتشوف شو صاير
ماجدة:لك شو فييي...لييش هيك عم تضربو للرجال
نادر:شو في ماهيك!!!.....طلعي بعيون بناتك بتعرفي شو صاير
ماجدة:ماما...سنا..مها شوصاير حكولي
نادر:هاد الحيوان صرلو شهر عم يتردد لغرفة بنتك لتسمحلو يفوت لعندا....و انتي غرقاااانة بالعسل و مالك حاسة على شي....ولو ماكنت طالع من غرفتي بالصدفة ماكنت شفتو ولا لقطتو بالجرم المشهود
ماجدة:صح هالحكي امي؟؟
سنا:اي صح..هو من زمان عم يحاول يتحركش فيني
ماجدة:وليش ماحكيتي لييييششش!!
سنا:خفت ماتصدقيني
نادر:بسيطة حصل خير هلأ....رح خلصكن منو انا
ماجدة:شو رح تعمل!!
نادر:رح اخدو زتو باقرب مخفر و خليهن بكرا يجو يشوفو اشرطة تسجيل كاميرات المراقبة
ماجدة:طيب اخي طيب(حضنت البنات وقعدت معهن عالتخت)
نادر:انا رح اخد روح و تيم و اختفي شوي هالفترة
ماجدة: ليش لك اخي!!!
نادر:هيك....مابدي نجوى كل يوم والتاني تطلع بخلقتي
بدي اختفي فترة و بس تمل انا بجي و بفهمها انو مالها عندي ولد
ماجدة:حسبي الله...رح تتركنا و تمشي
نادر:مضطر...بدك ياها تاخد تيم مني!!نجوم السما اقربلا
انا ماشي هلأ...خاطركن
_رجع اخدني من غرفتو و راح لجنب عادل حملو على كتفو و نزلو ليحطو بصندوق السيارة مشيت وراه بعد ماودعت ماجدة و البنات...وصى نادر حرس البيت مايدخلو حدا قبل ماتجي الشرطةو طلعنا على اقرب مخفر مناوب وقدم نادر شكوى على عادل و طلب منهن يروحو يتأكدو من كلامو عن طريق التسجيلات
طلعنا من الشام و رجعنا على بيروت بس مو على بيت نادر....رحنا على شاليه عالبحر لرفيقو....حاكاه بس وصلنا مع انو كان الوقت بكير و يادوب طالع الضو...ورحنا لبيت رفيقو اخدنا المفتاح و بعدها توجهنا للشاليه_
نادر:فوتي روح
روح:اكيد مارح يقدرو يوصلولنا
نادر:ماتخافي....طوال ما انا معك لاتخافي
روح:طيب
نادر:هون في غرفة نوم وحدة....نامي انتي وتيم عالتخت و انا بنام عالصوفا بالصالون
روح:طيب....تصبح على خير
نادر:هه..مع انو الدنيا صبح...بس تلاقي الخير
_ابتسمتلو و فتت عالغرفة...سطحت تيم عالتتخت و تسطحت جنبو....ثواني و كنت غرقانة بالنوم و مالي حاسة على شي....صحيت تاني يوم راسي عم يوجعني....فتحت عيوني وطلعت جنبي مالقيت تيم!!!
طلعت يمين و شمال و مالقيتو
صرخت لنادر اكتر من مرة و كمان ماجاوب
وين رح يكونو اختفو!!!!_
#يتبع
الجزء السادس
_بقيت عم روح و اجي بالشاليه و القلق عم ياكلني....موبايل نادر بالبيت وماترك شي ليقلي وين راح
الف فكرة اجت براسي بهالساعة وبعد اكتر من ساعة سمعت صوت تيم برات الشاليه...ركدت بسرعة وفتحت الباب لقيت نادر حاملو اخدتو من ايدو و حضنتو و قلبي عم يرجف من الخوف عليه_
روح:وين كنتو!!!
نادر:كنا عم نجيب فطور
روح:بدها كل هالوقت!!
نادر:يادوب صرلي ساعة شبك!
روح:ولا شي بس خفت على تيم
نادر:طيب....تعالي فطري
روح:مابدي مالي جوعانة
نادر:اوووف....سمعيني روح....بعرف انك لساتك مدايقة مني و انك ماحابة تحكي معي....بس الظرف الي نحنا فيه فارض علينا نحكي مع بعض...لهيك فرديها وخلصنا
روح:انا مو زعلانة بالعكس عادي كتير....و اقل من عادي
انا بس مالي جوعانة
نادر:متل مابدك....بس تجوعي بتاكلي
_على قد ماحبيتو على قد ما كرهت برود مشاعرو وتجاهلو
مابعرف اذا كان عم يتصنع هالشي ليكرهني فيه...مع انو حنون كتير مع ابنو....بس معي كان التجاهل سيد المواقف كلها...قضينا اول يوم بدون مانحكي مع بعض و بدون ما يحكي نادر مع اختو....وتاني يوم كسر الصمت حكى معي_
نادر:في سهرة عالشاطئ بتحبي تروحي
روح:سهرة؟؟
نادر:اي حفلة عامة
روح:امممم
نادر:يمكن اعزف فيها شوي...شو رأيك تروحي تسمعي
روح:وتيم؟
نادر:خديه معك
روح:طيب....بروح
نادر:بدلي تيابك انا ناطرك بالسيارة
_لبست فستان ابيض قصير و رفعت شعري وحطيت حلق طويل وصل لكتافي و مكياج خفيف وحملت تيم و رحت لبرا....كان نادر ناطرني بالسيارة و لما شافني ماظهر عليه اي اعجاب فيني او بلبسي...بالعكس كان كتير بارد
وصلنا لمكان الحفلة وكان في شباب و بنات عم يرقصو و مبسوطين....وقفنا على طاولة و من حسن حظي انو تيم بالعرباية تبعو...شوي و تركني نادر و راح للمسرح ليعزف
طلع عالمسرح و الكل سفقلو...وبلش عزف....."ديسباسيتو"
اول مرة بشوفو عم يعزف الحان سعيدة و مرحة...كان عم يبتسم كل الوقت و كالعادة عيونو مغمضين وسارح مع الموسيقى لعالم تاني....
و انا سارحة معو و كأن مافي غيري انا وياه بهالمكان...
كل ما اسمع عزفو بحس بنفس الاحساس الي حسيتو اول مرة....بحس بالرجفة....ببرودة الاطراف..بالارتباك
بحس انفاسي مخربطة و دقات قلبي عم تمشي على ايقاع عزفو.....خلص عزف و طلبو منو اغنية تانية
و تجاوب مع الجمهور......و انا مدموجة مع عزفو مالقيت غير شب و اجا وقف جنبي_
_شو رأيك نرقص سوا؟
روح:(ابتسامة مصطنعة)لا معلش مافيني اترك ابني
_اها ابنك؟امممم....طيب شو رأيك اعزمك على شي تشربي
روح:لا شكرا مافيني اشرب...وياريت تنصرف قبل مايشوفك زوجي
_دخيلك...رح انصرف...ههه شو ناقصني معقدين انا
_انزعجت كتير من كلامو لهالشب و نادر مدموج مع جمهورو و اغنية ورا اغنية وماعم يوقف....تركت الحفلة واخدت تيم و رحت امشي عالشاطئ
شلحت من رجلي و مشيت عالرمل حافية و الموج عم يلامسني كل شوي
حسيت برغبة بالبكا....مابعرف ليش..حسيت حالي وحيدة...ضايعة...تعبانة و مغربة....بدون شعور بلشت ابكي...لعنة الحب عم تعذبني...والظاهر هلاكي رح يكون على ايد هالحب
مشيت كتير و بكيت كتير لحتى ضيعت الطريق وماعاد عرفت كيف بدي ارجع عالبيت...اتصلت بنادر ليجي ياخدني_
نادر:(بعصبية)انتي شو وصلك لهون!!!
روح(بصوت مخنوق)مابعرف...مشيت مشيت وضعت مالقيت حالي الا هون
نادر:لك ماخفتي حدا يتعرضلك!!ماخفتي يطلعلك شي شب سكران و يحاول يعتدي عليكي!!
روح:مافكرت بشي...كنت بس بدي اهرب
نادر:يابنت انتي مسؤوليتي....اذا صرلك شي انا بحمل مسؤوليتو....ليش مابتنتبهي عحالك بس فهميني!!
روح:الله يخليك خلص....وديني عالبيت بدي نام
نادر:اللهم طولك ياروح!!شرفي عالسيارة
طلعت بالسيارة و حطيت تيم بحضني و غفيت عالطريق...حسيت على نادر عم يصحيني لانزل....و وقت نزلنا كانت المصيبة
نجوى:و اخيرا اجيت!!!
نادر:انتي كيف عرفتي مكاني!!
نجوى:نسيان اني بعرف كل رفقاتك.....بعدين حضرتك مشغل الgps على جوالك وقدرت اعرف مكانك بسهولة
نادر:يلعن حظي!!!!
نجوى:بدي احكي معك
نادر:مافي شي ينحكى
نجوى:نادر الله يخليك انا ايامي صفيت معدودة بهالحياة
نادر(انصدم)شو!!!
نجوى:خلينا نقعد لوحدنا ونحكي
نادر:طيب.....روح....خدي تيم و فوتي لجوا
_كنت بعرف انو ضعيف تجاهها...بس مو لهدرجة...مو لدرجة انو من كلمة يلين و يقرر يسمعها....حسيت النار عم تاكلني....فتت لجوا و طلعت عليه من الشباك....قعد جنبها عالكرسي الي جنب الشاليه وبلشت تحكي و هو ساكت....حسيت عيوني عم يحرقوني و دمي عم يغلي بقيت شي ساعة عم تحكي
وبعدها مسكت ايدو وحطت ايدها على دقنو و باست خدو شفتو عم يتجاوب معها....شفتو مرتاح و ساكن لوجودها جنبو....بهاللحظة تأكدت اني مالي مكان بحياتو ولا بقلبو...رغم انها خانتو و تزوجت عشيقها و تركتو ومع هالشي هو تجاوب معها!!!!
دخلت على غرفة النوم و قعدت عالتخت و ماقدرت ابكي ولا حتى نزل دمعة وحدة...وبعد شوي دخل لعندي و حكى بنبرة خيبة_
نادر:نجوى رح تبقى هون الليلة
روح:__
نادر:(تنهد)
هيه........معها سرطان.....ومافي امل من علاجها....ايامها صارت معدودة
روح:(باستهزاء)صار عندك شي تبكي عليه كل عمرك
نادر:شو قصدك؟
روح:بكرا بتموت و انت بتقضي كل حياتك حزين على موتها و عم تعزف الحان حزينة على قبرها
@rwayate
نادر:مارح احزن على موتها لانها اخدت جزاءها العادل
روح:شو المطلوب ممني
نادر:هيه حابة تقضي كم يوم مع تيم مو اكتر لانو رح تسافر بعد اسبوع وترجع للبرازيل
روح:طيب....لكن بترجعني عالشام
نادر(باستغراب)ليش!
روح:اذا امو الحقيقية موجودة فأنا مالي داعي هون
نادر:(ابتسم)انتي الاصل....بعدين هيه مابتعرف تتعامل معو متلك
روح:بتتعلم
نادر:و اذا قلتلك ابقي كرمالي
روح:كرمالك!!!ليش انا شو بالنسبة الك فهمني...شوبدي اعمل كرمالك
نادر:بدي احرق قلبها عليي متل ماحرقت قلبي...انا قلتلا انك مرتي...و بدي منك تمثلي هالشي بوجودها
روح:شو رح استفيد
نادر:مو انتي بتحبيني
روح:انا ماقلت هيك شي....وعلى فرض هالشي صح بتستغلو لتحرق قلبها!!!!!متل ماستغلتك هيه و خلت حبيبها يغار عليها
نادر:انتي ليش هيك عم تحسبيها؟؟....انتي بتحبيني
انا متأكد....عطيني فرصة لشوفك على طبيعتك....مين بيعرف...يمكن بعد هالاسبوع حبك عنجد
روح:اي الحب مابيجي هيك
نادر:انا عم اعطيكي فرصة تعامليني كزوجك لمدة اسبوع كامل شوبدك احلا من هيك
سكتت شوي و بعدها حكيت
روح:طيب......على شرط
نادر:تفضلي
روح:بدي خمس اضعاف اجري
نادر:خمسة؟؟؟؟
روح:هاد شرطي
نادر:وانا موافق
روح:اتفقنا
نادر:تفضلي لبرا خليها تفوت تشوف تيم
مرقت من جنبو لاطلع من الغرفة و بسرعة شدني لعندو و حاوط خصري بايدو و ابتسم وحكا من بين سنانو
نادر:خليكي جنبي حبيبتي
روح:هه...ماعرفتك
نادر:(غمزني)منتعرف
بصالون الشاليه
نجوى:(بارتباك)مسالخير
روح:اهلين ست نجوى
نجوى:انا بدي اتشكرك لانك رح تخليني ابقى معكن اسبوع
روح:انا مابخالف نادر بشي(طلعت فيه و ابتسمت)موهيك حبيبي
نادر:مبلا لكن....يلا نجوى فوتي نامي مع ابنك نحنا رح نسهر شوي هون
نجوى:طيب....تصبحو على خير
نادر:تلاقي الخير
بمجرد مادخلت عالغرفة و سكرت الباب شلت ايدو عن خصري و بعدتو عني
روح:انا طالعة اقعد عالشاطئ
نادر:الله معك
طلعت قعدت عالشاطئ و زعلت كتير لانو تيم مارح ينام بحضني هالليلة...بدون شعور صرت ابكي....ومالقيت الا نادر قاعد جنبي
نادر:ليش عم تبكي؟
روح:مالي متعودة نام بدون تيم
نادر:ماكنت بعرف انك بتحبي لهدرجة
روح:تيم قطعة مني
نادر:انتي رح تكوني ام عظيمة على فكرة
روح:هه...نشالله.....بتعرف شو؟
نادر:لا والله
روح:انا مابعرف اي مغامرة مجنونة غامرتها لما قبلت اجي معك على بيروت اول مرة...مابعرف بشو كنت عم فكر.....فكرت اني رح كون سعيدة لما شوفك كل يوم و لما اسمع عزفك كل يوم....تخيلت الحياة معك باللون الوردي وماعرفت انها مليانة اشواك....اخلاصك لنجوى من جهة....و رفضك الي بدون ماتتأكد من حقيقة مشاعري تجاهك من جهة تانية....مسؤولية تيم
كلو هاد دمرني عنجد...انا مابنكر اني حبيتك
من اول مرة شفتك حبيتك عنجد....مو بايدي هالشي
محبتك بقلبي صارت كل يوم تزيد و انت قطعت عليي الطريق من اولو....بعرف اني موقعة بحالي بورطة كبير
بس انا الحق عليي
انا الي حرقت سفينتي لما وصلت على جزيرتك وماعاد في عندي طوق نجاة ينقذني من هالشي هاد
نادر:لهدرجة عم تعاني بسببي
روح:شو متخيل!!...شوفك وفاءك القاتل لزوجتك الخاينة و ضل عادي!!!!
نادر:انا مو وفي الها على فكرة....اذا بدك تحكي عالوفاء ف انا جربت اطلع مع بنات كتير بعد ماتركتني
انا وفي لحبي....للمشاعر الي عشتها....لطريقة حبي الها
لهيك كان صعب عليي اتقبل حب جديد بحياتي
ببساطة.....لاني بخاف من الخيانة مرة تانية...لانو ثقتي بالنسوان انعدمت....لهيك كان صعب عليي اتقبل حبك الي
روح:بس انت حكمت عليي بدون ماتعرفني وهالشي ظلم
نادر:كل ضحايا الخيانة هيك....بيعطو حكم مسبق للاشخاص الي بيحاولو يتقربو منهن
روح:كيف سمحتلا تجي تقضي اسبوع معك؟
نادر:شفقت عليها مو اكتر
روح:و انا؟؟؟ ماشفقت عليي
نادر:عطيني فرصة طالع المشاعر الي جواتي...كلها مشاعر سلبية...عطيني فرصة انسى كل شي مرق و بلش من جديد....وقت تنمحى هالمشاعر من جواتي صدقيني رح كون جاهز لحبك.....بس هلأ...انا مو جاهز ابدا لعلاقة جديدة
روح:بس يخلص هالاسبوع بدي ترجعني عالشام....بدي ارجع لبيت عمي
نادر:ليش!!!!
روح:ماعاد فيني كمل....هالمعركة اقوا مني و انا مو حمل كمل....خليني ارجع لبيت عمي احسنلي
نادر:و تيم!!!لمين رح تتركيه
روح:تيم الو عمة و بنات عمة هنه احن عليه مني....بس انا خلص...تعبت و انا متأكدة انو هالاسبوع رح يكمل عليي
حط ايدو على كتفي و برم وجهي لعندو ليمسح الدمعة الي نزلت من عيوني
نادر:بتعرفي اني تمنيت كتير لو اني قابلتك من قبل.....قبل مااعرف نجوى...وقبل ما اعرف حدا....انا متأكد اني كنت رح حبك كتير....و من اول نظرة يمكن
روح:اممممم
نادر:تعالي
_شدني لحضنو لانو بيعرف اني
بحاجة هالحضن....مسح على شعري حتى اهدا...غمضت عيوني و تمنيت مايبعد عني...بحياتي ماحسيت بالامان متل ماحسيتو بهالدقايق_
نادر:مافيني شوفك عم تتعذبي بسببي و ما اعمل شي
روح:عادي...تعودت عالوجع
بعد عني و طلع بعيوني
نادر:خايف الحزن الي بقلبي ينتقل الك....رح اشفى منو باسرع وقت و اجي لعندك...بوعدك
روح:نشالله.....خليني فوت نام
نادر:قايمين سوا
مسك ايدي و دخلنا....لقيت نجوى غرقانة بالنوم جنب ابنها...تمددت انا على صوفا و نادر على صوفا و غفيت بسرعة.....و صباح اليوم الي بعدو صحيت على ريحة القهوة الي معبية البيت....فتحت عيوني على صوت نادر عم يصحيني
نادر:حبيبتي قومي....صرلنا ساعة ناطرينك لنشرب القهوة سوا
طولت لاستوعبت شو عم يصير....طلعت فيه باستغراب و لما غمزني تزكرت اتفاقنا
روح:طيب....خليني قوم غسل وجهي
نادر:يلا حبيبي ناطرك
لقيت نجوى عم تطلع فيني نظرات مو مفهومة غسلت وجهي و قعدت جنب نادر و ناولني فنجان القهوة بايدو
روح:يسلمو ايديك حبيبي القهوة كتير طيبة
نادر:صحة و هنا
نجوى:ايمت بيصحى تيم بالعادة
روح:مابيصحى بكير...بيبقى للضهر نايم
نجوى:شي حلو....رح قوم فيقو
نادر:روح معودة تيم على نظام معين ومالي حابب يخرب هالنظام....خليه نايم اذا بتريدي
نجوى:بس انا امو!!
نادر:روح هيه امو...انتي بس الي ولدتيه
نجوى:لشو التجريح هلأ
نادر:لاني مو حابب عكر صباحي فيكي عرفتي ليش.....
نجوى:بس تيم ابني انا
نادر:خلص سكتي عم قلك روح امو وهو مسجل على اسمها من الاخر و انتي مالك علاقة فيه لا من قريب و لا من بعيد و ان كنت مخليكي تشوفيه ف لأني شفقان عليكي مو اكتر
نجوى:شو بتقصد بانو مسجل على اسمها؟؟؟
نادر:يعني من اول ماكتبنا كتابنا سجلتو على اسمها منيح هيك...هيه امو بالقانون و ملفات المشفى سحبتهن و مافي شي يثبت انو ابنك
نجوى:معقول تعمل هيك شي!!!!
نادر:بعمل اكتر من هيك....متل ما انتي عملتي الي لا الشرع و لا الدين و لا القانون بيقبلو....انا عملت نفس الشي و نسبت ابنك لغيرك
نجوى:لك....لك....شو اعمل فيييك
نادر:لاتعملي شي....شوفي ابنك كم يوم وفرقيني لانو مالي طايق شوفك
نجوى:لك انتي كيف بتقبلي يتسجل على اسمك ولد مو الك
روح:بس تيم ابني!...عادي
نجوى:لااااا انتو مابتنحملو...انا رح اعرف خلي رائد يتصرف معك سيد نادر
نادر:يلا....ايدك و ماتعطي
نجوى:يعني مالك خايف!
نادر:هه من شو بدي خاف؟؟من وحدة على حفة قبرها و خاينة....لا حبيبتي انا مالي خايف
نجوى:انا هلأ رايحة لعند نادر و رح خليه يعرف يتصرف معك
نادر:يلا الله معك
نجوى:بسيطة يانادر
نادر:صبلك كمان فنجان حبيبتي
روح:هههه اي والله
نادر:اي مو على عيني
بعدما راحت نجوى سكر نادر باب الشاليه و اجا قعد جنبي
نادر:بتعرفي شو
روح:لا مابعرف
نادر:اكتشفت اني بكرها لنجوى...ماقدرت اتحمل وجودها معي بنفس المكان مع اني كنت مفكر غير شي
روح:كنت مفكر حالك لسا بتحبها
نادر:مو بالضبط...كنت مفكر انو بحكم الحب الي كان بقلبي الها اني رح حن الها بس شوفها بس صار العكس
كل شي قلب لكره اعمى
روح:مشان هيك تجاوبت معها لما باست خدك مبارح
طلع فيني باستغراب
نادر:كنتي عم تراقبينا
روح:بالصدفة شفتكن
نادر:بفهم انو هي غيرة!!
روح:شلون مابدك حسبها كل شي صار عالمكشوف
نادر:قلتلك اني شفقت عليها مو اكتر
روح:طيب
نادر:بيهمني تعرفي نواياي الحقيقية
روح:وليش بقا!!
نادر:مابدي حبك يشوبو اي شك فيني
روح:والله انت غريب!!!
تركتو و قمت لغرفتي لاني بجد ماعم افهم عليه...ساعة بيقول عطيني وقت و ساعة بيقول انو زعلان عليي و ساعة بحسو متمسك بحبي...انا عنجد تهت معو!!
#يتبع
#الجزء_السابع
#انتهت
@rwayate
_تركتنا نجوى و راحت متل المجنونة لتخلي زوجها يتصرف.....بس زوجها ماقدر يعمل شي لانو نادر ساحب ملفات تيم من المشفى وماخلا اي دليل يثبت انو نجوى ولدت بتيم
و ماقدر يشتكي او يعمل اي اجراء رسمي لانو بيخاف على اسمو و سمعتو وماكان ادامها شي تعملو الا انو تطالب نادر بانها تشوف تيم ساعتين كل يوم وهو سمحلها بهالشي بس شفقة عليها_
بعد ايام
نادر:جهزي حالك...رح نرجع للشام
روح:حاضر
نادر:ماصحلنا نمثل متل ماتفقنا
روح:عادي....انت ليش راجع عالشام!
نادر:مشان نجوى تشوف تيم و لانو اختي بحاجتي كرمال ننهي معاملة الطلاق و لساعدها بالشغل بالشركة بعد روحة هداك الندل....الي طلع عم يختلس من اموال الشركة و فاتح حسابات ضخمة باسمو...الموضوع بحاجة ملاحقة و لازم كون جنب اختي
روح:اممم
نادر:اي ........يعني هيك
روح:طيب....رح فوت ضب غراضي
مسك ايدي و شدني لعندو
نادر:لحظة بس
روح:شو في
نادر:مارح تشتاقي لعزفي؟
روح:انت غريب....مابدك ياني حبك و بدك ياني اشتقلك!!!
نادر:انا بدي الحب الي بقلبك يبقى عايش و ماتقتليه...لاني رح ارجعلك بيوم...انا متأكد من هالشي
روح:و اذا مارجعت!....ببقى متعلقة بوهم
نادر:انتي ماعم تفهميني....انا بخاف من الحب...بخاف من الخيانة..انا معي فيلوفوبيا...فوبيا الوقوع بالحب!
مسكت ايدو و حطيتها على قلبي و طلعت بعيونو بتركيز
روح:برأيك.....قلب بيحبك لهالدرجة...ممكن يخونك!
نادر:___
روح:شي مرة سمعت عن روح طلعت من جسدها و راحت لجسد تاني؟
نادر:لا
روح:انا روح......انا مابخون.....خود القوة مني...وطالع حالك من مستنقع الخيانة....(مسحت على وجهو بايدي)
انت اسمى...من انك تبقى معلق حالك على طرف جرف الماضي....انت ميت و بحاجة روح لتعيش
نادر:بحاجة روح!!!
روح:اي.....انت ما اذنبت لتعيش بهيك جحيم...عتبرني فرصة جديدة....حياة جديدة انوهبت الك...لتعيش متل مامفروض تعيش
نادر:(ابتسم)معك حق
روح:خود وقتك....امحي كل شي سيء جواتك....مشاعر الغضب و الكره محيهن...و انا رح انطرك...لاني....(همست)بحبك
تركتو و مشيت خطوتين ورجعت التفتت
روح:وعلى فكرة رح اشتاق لعزفك
- دخلت للغرفة لضب غراضي و غراض تيم و هو بقي شارد بمحلو.....طلعت لعندو و انا مبتسمة و قلتلو اني جاهزة للمشي و رجعنا عالشام_
_رجعنا عالشام و وصلني نادر لبيت عمي....مرت عمي لما شافتني انصدمت...تعذبت كتير ببعدي عن تيم و عن نادر
بس كان لازم كابر على حالي و اكبس على جرحي لانو نادر بحاجة وقت ليقدر يحبني حاولت اتناسى كتير و نطرت الموسم الدراسي الجديد ليبلش و بلشت درس بمدرسة للاطفال...مرت الايام ببطئ و بملل كبير لحد مابيوم...._
ابو فهد:سمعي ياعمي
روح:تفضل عمي
ابوفهد:هالبيت بدي اعملو مشروع تجاري كبير
روح:اي؟؟
ابوفهد:رح اخد العيلة و اطلع منو....و انتي...دبري حالك بشي غرفة
روح:كيف يعني دبر حالي بشي غرفة
ابوفهد :يعني ستأجريلك غرفة عيشي فيها البيت الي بدي اخدو صغير و يادوب يوسعنا انا ومرت عمك و الولاد
روح:بس ياعمي انا الي حصة بهالبيت
ابوفهد:شو نسيتي انك تنازلتي عن حصتك
روح:لا مانسيت
ابو فهد:اي روحي دوري على غرفة على ادك لان هاليومين بدنا نسلم البيت للمتعهد
روح:ماشي عمي...حاضر
_غصيت بدموعي و احترت وين بدي روح بحالي
ما اجا ببالي غير ماجدة...رحت لبيتها و تمنيت لاقيها هنيك_
ماجدة:زمان ماشفناكي ياعمري
روح:والله عم اشتغل بمدرسة كرمال هيك
مها:رووح....شتقتللللك(عانقتني)
روح:هههه و انا اكتر
سنا:اهلين ياروحي
روح:هههه مابتبطلي حركاتك
سنا:معقول بطل!!
روح:والله شتقتلكن كتير
ماجدة:طمنيني شو اخبارك روح...كيف ايامك
روح:بصراحة انا اجيت لعنكن بطلب
ماجدة:تفضلي حبيبتي
روح:انا حابة ارجع اشتغل مربية للبنات
ماجدة:حبيبتي البيت بيتك....بس الحمدلله انا و بناتي اتفقنا يعني لاتواخزيني هنه كبرو عالمربية
روح:امممم
نادر:بس تيم بحاجة مربية
روح:ايمتا اجيت اخي!
دخل نادر وهو حامل تيم على كتافو....ماعرفت شوبدي اعمل من فرحتي بشوفتهن
نادر:كيفك روح
روح:الحمدلله....انت كيفك..وتيم كيفو
نادر:مشتاق!!....تيم مشتاق لامو روح
روح:ههه
نادر:اي...تيم بدو مربية... وحصريا" بدو ياكي...ايمتا فيكي تبلشي شغل؟
روح:ايمتا مابدك
نادر:من بكرا بتبلشي....هلأ رح تتعشي معنا و بعدا بوصلك لبيتك
روح:مابدي عزبكن معي
ماجدة:لاعذاب ولا شي حبيبتي انتي من اهل البيت
روح:تسلميلي يارب
_مع اني كنت اخدة عهد على حالي اني ما ارجع اشتغل ببيت نادر....بس القدر حطو بطريقي مرة تانية وماعندي ملجأ تاني ....كان لازم خبرو عن وضعي الحقيقي
لاني رح اضطر نام ببيتو بينما اقدر صمد اجار غرفة
بعد العشا و بعد مالاعبت تيم و شبعت منو....قمنا انا ونادر ليوصلني للبيت_
نادر:تفضلي
روح:شوهاد؟؟موتور!!!!
نادر:اي شتريتو من فترة....... كل يوم بالليل بطلع بتفتل فيه
روح:و رح توصلني عليه!!
نادر:اي....انتي اول حدا رح يشاركني فيه
روح:بس انا بخاف
نادر:ماتخافي....انتي بس تمسكي فيني @rwayate
روح:___
نادر:لك يلااا
طلع عالموتور و ترددت قبل ما اطلع وراه...بس هو شجعني....قعدت و رجعت ترددت قبل ما اتمسك فيه
نادر:يلا تمسكي فيني
روح:اناااا...خلص مابقا بدي
نادر:لك لاتخجلي يلا بدنا نسرع بجوز توقعي اذا ماتمسكتي
_رجفو ايديي وقت مديتهن لاتمسك بضهرو....وبس حس فيني اني تمسكت شغل الموتور و بثواني كنا برات الفيلا
فتل فيني بالشوارع الفاضية و الدنيا ليل وبرد...كان احساس كتير حلو وحسيت بالدفا رغم الهوا البارد
بعد شي ساعة من التفتيل....طلع فيني لجبل قاسيون و قعدنا هنيك شوي_
نادر:بردانة؟
روح:(ابتسمت)شوي
نادر:اذا هيك بسيطة...قوليلي شو اخبارك...معقول ست شهور ماتطلي ولامرة لتشوفينا...تيم فقدلك كتير على فكرة
روح:ظروف...
نادر:حتى الكمان...شتقلك كتير
روح:الكمان!!
نادر:الكمان....و صاحب الكمان
روح:___
نادر:من يوم رحتي ماعزفت...مالقيت حدا اعزفلو...ولو كان العزف بيذكرني فيكي و بنظراتك لعيوني وقت اعزف...فما كان بيرجعلي شي من هاد...لهيك تركتو
قلت بكرا بس ترجع رح اعزفلا كل الحان الموسيقى الي بالعالم.....بس لحتى...اشبع من عيونك و طريقة نظراتك الي
روح:في تطورات كتير
نادر:نسيتي انو نحنا مانهينا شي...وقصتنا معلقة من نصها...لازم ننهيها بشكل مناسب
روح:__
نادر:ماكنت بعرف انو الروح بس تخجل بتحلا هالقد!
روح:احم...مابعرف شو بدي احكي..بس انا بصراحة في شي لازم احكيلك ياه
نادر:تفضلي
روح:وقت قلتلك مرة اني حرقت سفينتي لما وصلت لجزيرتك انا ماكنت عم اتفلسف
نادر:لكن شو قصدتي؟
روح:بصراحة....عمي و مرتو اجبروني اتنازل عن حصتي بالبيت حتى يسمحولي سافر معك
نادر:عمك!!ليش وين ابوكي؟؟
روح:ابي توفى من صغري...وربيت ببيت عمي
نادر:و تنازلتي؟
روح:كتبتلن تنازل بخط ايدي
نادر:و وين الورقة
روح:مع عمي
نادر:و اكيد مامعك نسخة!!
روح:لا
نادر:اوووف منك....دخلك مستاهل هالتضحية منك انا
روح:كنت شايفتك مستاهل
نادر:وهلأ!!
روح:هلأ....هلأ مو هون المشكلة
نادر:لكن وين!!
روح:عمي بدو يستثمر البيت و بدو يطالعني و قلي لاقي غرفة لاستأجرها....وبصراحة انا الي معي مابكفوني شهر واحد اجار غرفة.
نادر:مشان تتشاطري وتتركيلي اجر ست شهور شتغتلي فيهن عندي
روح:هيك صار....شو الحل
نادر:بسيطة....طالما تنازل خطي بتنحل
روح:كيف رح تحلا
نادر:رح رجعلك حقك غصبن عن عمك و مرتو
روح:بس كيف!!!
نادر:رح قلك كيف....قومي معي
روح:لوين
نادر:قومي دليني على بيتك يلا
و رحنا لبيت عمي و دخل نادر و قابل عمي و طلب يحكي معو على انفراد
ابوفهد:تفضل يا اخ
نادر:انا نادر المحمد....محامي بنت اخوك روح
ابوفهد:ايوا...أمور
نادر:انا حابب شوف ورقة التنازل الي عطتك ياها بنت اخوك
ابوفهد:شو لزومو عمي؟
نادر:بدي اتأكد من صحتها اذا بتريد خليك متعاون و خلينا نحلها حبية احسن ماندخل محاكم و متاهات المحاكم
ابو فهد:بس بنت اخي تنازلت برضاها
نادر:وماقلنا غير هيك بس ورجينا الورقة
ابوفهد:طيب....ثواني
بعد دقايق
ابوفهد:تفضل استاذ
نادر:ورجيني لشوف....اممم...انا الموقعة ادنااه...ايوااا
(خزق الورقة)
ابوفهد:لك لك لك شووووعملت انت!!!!
نادر:نقعها و شراب ميتها....هاد التنازل مكتوب بالاجبار
و روح حصتها بهالبيت متلها متلك و هالحكي بالقانون مثبت وصحيح ومافي شي بغيرو
ابوفهد:لك انت مييييين لتعمل هالشي ميييين
نادر:انا نادر....سمعني منيييح بكرا بتجي لعندي على هالعنوان(ناولو كرتو)بتاخد حق حصتك و فوقو حبة مسك وبوجود محامي بتوقع على عقد بيع قطعي لروح
ابوفهد:بس انا مابدي بيع
نادر:رح تبيع....لانك اذا مابعت رح زتك بالحبوس بتهمة تزوير و نصب و احتيال
ابوفهد:مارح بييع
نادر:رح تبيييع....و رجلك فوق رقبتك كمان...و الا بخليك تتجرجر عالحبوس وتعفن فيها...واذا مابتعرفني سآل عني
ابوفهد:لك انت مين مفكر حالك....روح بشو وكلتك
نادر:روح وكلتني عحالها و مالها و قلبها و انت مالك علاقة
ابوفهد:شو يعني!!
نادر:روح مرتي على سنة الله و رسولو وفي شهود على كلامي....لهيك بنصحك ماتعند لانو والله مستعد ابعتلك البلدية تهد البيت على راسك
ابوفهد:مرتك لكن!!!
نادر:اي نعم.....شوف لقلك...رح ارضيك....هي دفتر شيكات.....كتوب الرقم الي بيرضيك و تعال ستلمو من مكتبي بكرا و وقعلي على عقد البيع
ابوفهد:اي رقم؟؟
نادر:اي رقم
ابوفهد:موافق....هات لشوف
مابعرف الرقم الي كتبو عمي....بس اتفق هو ونادر اخر شي....وهالشي ريحني كتير....بعدها طلع نادر من الغرفة و شافني ادامو
نادر:يلا امشي
روح:لوين!!!
نادر:يعني برأيك زابطة اترك مرتي هون...امشي يلا
روح:طيب
_طلعنا من بيت عمي و رحنا على فندق و حجزلي نادر غرفة لابقى فيها....و قلي انو تاني يوم بيجي لعندي....صحيت تاني يوم متأخرة و اتصلت فيه عالموبايل وقلي انو عمي وقع على عقد البيع و استلم المصاري كاملين و قال انو المسا بيجي لعندي
المسا من نفس اليوم طلعت لعندي عاملة من خدمة الغرف.....قدمتلي فستان باللون الابيض و علبة مكياج و طلبت مني البسو وجهز حالي....عرفت انو نادر ورا هالشي...لبست وجهزت حالي و انا اعصابي عم ترجف....اجاني اتصال بأني انزل على مطعم الفندق....نزلت و دقات قلبي وصلت للمليون...وصلت للمطعم لقيتو معبى ورد ابيض....و بآخر القاعة كان نادر واقف و حامل كمانو....لابس طقم اسود و لما شافني بلش عزف...."احبك"لحسين الجسمي....و طلت مها عم تغني من وراه
@rwayate
"انا كل مانويت انسى"
"لك الذكرى ترجعني"
"ترى للحين...انا احبك"
"و شوفك بين حين و حين"
"فراقك اه يافراقك"
"كسر قلبي و عذبني"
"و نا نذر علي ابقى"
"احبك لين يوم الدين"
بدون شعور بكيت من فرحي...ماعرفت شو بدي اعمل....قعدت على كرسي قريب و نادر قطع عزفو و اجا لعندي....نزل لصار عند مستوى عيوني و حاكاني
نادر:ليش عم تبكي؟
روح:(تبكي)شو كل هاد!!....انا فستان ابيض و انت طقم و ورد ابيض......و ههه....احبك...شوكل هاد!!
نادر:(مسك ايديي)يلي صارو بيعرفو انك مرتي كتار....برأيك مالازم نحط حد لهالكذبة الي بكل موقف محرج منلجأ الها
روح(عقدت حواجبي باستغراب)شو يعني!
نادر:يعني....."و انا نذر علي ابقى احبك لين يوم الدين"
بتقبلي تتزوجيني
روح:(صرت ابكي اكتر)
نادر:لك ليش الدموع!!هاد مو خبر حلو يعني
روح:لك انا ماعم صدق انو عم اسمع هالحكي منك انت
نادر:ههه ولا انا....يمكن بحياتي ماكنت رومنسي هيك...بس انتي..غيرتيني...فكرت حالي لما تبعدي رح انساكي...بس بعدك عني قلب كياني كلو...بدون شعور تعلقت بوجودك معي وين مارحت
وكان كتير صعب عليي نسيانك او تجاهل المشاعر الي حسيتا تجاهك لما بعدتي...لهيك انا بدي رجعك لعندي....مو كمربية لابني
كزوجة...وكحبيبة...وكأم...و كأخت...و كرفيقة
بدي ياكي معي...لاني اكتشفت اني بحبك...بحبك اكتر من ماحبيت بكل حياتي...ومارح اسمح تضيعي من بين ايديي مرة تانية....شو قلتي؟موافقة تتزوجيني
روح(حطيت ايدي على خدو و طلعت بعيونو لاغرق فيهن)....اي موافقة...ههههه....موافقة
_وقف مواجهي ومسك ايديي وشدني لعندو بكل قوتو
حضني و كأن من مية سنة ماشافني...حسيت قلبي لامس قلبو....وروحي لامست روحو....حسيت وكأن بهاليوم انكتب علينا نلتحم وما نتفارق لأي سبب_
نادر:انتي روحي.....روحي انا الي كانت ضايعة مني و هلأ ارتدتلي
انتي الروح الي بصدري....الروح الي انا عايش فيها...بدونك انا كنت ميت....ميت عم يمشي عالارض
بعتلي ياكي القدر هدية و قلي خود هي روح...روح جديدة لتعيش فيها...روح تسكن جواتي وماتفارقني
و بفراقك..رح موت اكيد....ماحدا بيعيش بدون روح!
بعدت عنو وحطيت ايدي على خدو و ابتسمت بين دموعي
روح:انا مابعرف شو بدي قلك
نادر:قولي انك بتحبيني وبس
روح:بحبك...بحبك..بحبك..بحبك..بحبك
نادر:ههه....و انا بحبك...يا روحي
_بهاد اليوم بلشت حكايتي مع نادر....كان مجهز كل شي لكتب كتابنا بنفس اليوم.....و بعد فترة تزوجنا
و بالنسبة لتيم....تسجل على اسمي عنجد...لانو نادر ماكان مسجلو بالسجلات الرسمية لسا....نطر لثبتنا زواجنا بالمحكمة و فورا سجلو على اسمي ودفع مخالفة تأخير تسجيلو بس صرت امو بالقانون
و نجوى....ماطولت لتوفت و قضى عليها مرضها....اما سنا و مها....انخطبو سوا لاخين....وعرسهن بس ليخلصو دراستهن....
و ماجدة تابت عن الزواج و كرست حياتها لبناتها و سلمت ادارة الشركة لنادر_
بعد سنتين
نادر(بيصرخ)رووح!!!!شيلي الكمان من ايد تيم بسرعة....
روح:اي خلي يتعلم يعزف شو بدك فيه
نادر:لك هاد نشاز مو عزف
روح:تعال لورجيك كيف انا عم اتعلم
حملت الكمان و القوس و بلشت اعزف نشاز و نادر سكر ادنيه و ركد لعندي وهو معصب
نادر:هاتي من ايدك!!!
روح:خليني اتعلم نااادر
نادر:بعلمك و الله لعلمك بس انتي ولدي بخير وسلامة
روح:على سيرة الولادة....كأني موجوعة
نادر:لاتقوليها لسا مبارح قالو بتتحملي اسبوع
روح:لكن روح عملي اكل جوعانة انا و البيبي
نادر:روح!
روح:ياعيون روح انت
نادر(ابتسم)هه....بحبك
روح:انا اكتر
نادر:تجي نقيس؟
روح:ههههه....لا خلص انت اكتر..مالي قدك انا
نادر:شاطرة
روح:امانة....سمعني شي
نادر:على راسي....بس تعالي قعدي مشان ماتتعبي بالوقفة
_قعدت عالصوفا و اجا تيم قعد جنبي و حضني...ونادر قعد مواجهي و عزفلي على كمانو..."نسيني الدنيا"
لساتني كل مابسمع عزفو بروح لمكان تاني....لساتو قلبي بيرجف من نظراتو و لسا ايديي بيبردو بوجودو.....
لساتني بحبو متل قبل....و اكتر...وهو...من نظرة وحدة بيغرقني بحبو الي_
#وتر
#انتهت
تعليقات
إرسال تعليق