نعم وقعت في حب ذاك الوتر الجزء الأول والثاني

هاد العازف الي ماعرفت اسمو....شغل بالي كتير_

#الجزء_الثاني

@rwayate

مها:هاي روح

روح:اهلين حبيبتي

سنا:كيفك يا روحي

روح:ههههه

سنا:بتعرفي شو ؟؟

روح:لا مابعرف

سنا:نيالك بكرا بس تحبي حدا بيناديلك يا روحي...بيكون ضرب 3 عصافير بحجير

روح:ههههه وشو هنه؟

سنا:دلع و غزل و ياء الملكية لاسمك

روح:يا سلاااام...محظوظة انا

مها:على فكرة انتي تفكيرك سطحي سنا

سنا:وليش بقا؟

مها:لانو يلي بدو يحب روح مارح يحتاج غزل ولا دلع....هو لازم بس ينطق اسمها يحس انو روحو يلي تحركت من جوا....يلي بدو يحبها لازم يكون انسان كتير حساس

سنا:الله الله(صفقتلا باستهزاء)ماااعم اعرفك يا رومنسية انتي

روح:ههههه...خلص انتو التنتين...بدك ماجدة خانم تسمعكن عم تحكو هالحكي هاد الله اعلم اديش كانت رح تعصب

مها:معها حق....لانو نحنا صغار على هيك حكي

روح:ماقلتلولي مين ضيفكن المميز اليوم؟؟

سنا:خالي نادر

روح:خالك؟ماكنت بعرف انو عندكن خوال

مها:اي هاد خالي الوحيد...عايش ببيروت وجاية زيارة لهون

روح:حلو معناها انتو متحمسين لشوفتو

سنا:شي اكيد

روح:لكن خلينا نلحق ندرس قبل مايصير موعد جيتو

درست البنات مدة ساعتين و بعدين كل وحدة اتجهت لغرفتها لتغير تيابها وتجهز و انا توجهت للمكتبة لاختار كتاب اقرأو و اتسلى فيه...

ماجدة:كيفك روح

روح:اهلين ست ماجدة

ماجدة:الخدم جهزو الغدا؟

روح:اي كل شي جاهز و البنات بغرفهن عم يلبسو

ماجدة:تمام

روح:مدام سمحيلي اسأل مين الضيف المهم؟

ماجدة:اخي...جاية من السفر...صرلي زمان ماشفتو

روح:طيب

ماجدة:رح تبقي عنا ...في ضيف تاني جاية كمان

روح:مين؟

ماجدة:عادل...محامي الشركة...بدو يجي يتغدا عنا

روح:طيب

ماجدة:رح اطلع جهز حالي انا

روح:خدي راحتك

_يمكن اسمي خلا عندي حساسية زايدة لارواح الناس

حسيت عليها كيف مرتبكة و كأنها بنت مراهقة وجاية حبيبها يزورها بعد غياب

فرحتلها لانو بشوف انو من حقها تحب و تنحب

رحت لشوف مظهري عالمراية الي بالصالون

تأملت شكلي من فوق لتحت....بنت...نحيفة..ببشرة بيضا و عيون عسليات...شعري المموج بلونو العسلي

و طولي الي مابيتجاوز ال160....ماعندي اي غرور بجمالي بالعكس...بحياتي ماحسيت بهالجمال لانو همومي كانت بتتجاوزو.....وانا عم اتأمل حالي رن جرس البيت و فتحت الخادمة وكانت عم تأهل وتسهل بأخو ماجدة خانم_

الخادمة:روح...الست ماجدة بتقلك اهتمي بالضيف بينما تجهز هيه وتنزل

روح:اوك

اخدت نفس ومشيت باتجاه غرفة الضيوف انصدمت وقت شفت كمان محطوط بعلبتو عالكنباية وصاحب الكمان واقف و عاطي ضهرو للباب....حاولت اتمالك حالي و سيطر على افكاري...

روح:احم...اهلا و سهلا

التفت لعندي و رفع حاجبو باستغراب...و هون شكوكي تأكدت...اخو ماجدة هو نفسو عازف الكمان تبع مبارح

نادر:اهلين فيكي...مين حضرتك

تسارعو دقات قلبي و وجهي احمر و عبق...حسيت بالرجفة عم تمشي بعروقي....و رجع شريط عزفو مبارح ينعاد بذاكرتي...مابعرف كيف تمالكت اعصابي و رديت عليه

روح:احم......انا روح...المربية تبع البنات

نادر:روح؟؟؟اسم غريب

روح(ابتسمت بخجل)الكل هيك بيقول

نادر:شي اكيد...انا نادر اخوها للست...ياريت تناديها و تنادي البنات

روح:الست ماجدة شوي و بتكون عندك

نادر:تمام(رجع التفت للشباك)

روح:احم....انت....بقصد...حضرتك...بتعزف كتير حلو

نادر:(ابتسامة باهتة)الكل هيك بيقول

روح:هه شي اكيد

مابعرف اذا كان مغرور او شايف حالو....بس احساسي كان بيقول انو حزين....تقاسيم وجهو....نظراتو الشاحبة و ابتسامتو المزيفة...كانو بيحكو حكاية حزن مخباية جواتو.

ماجدة:اهلا وسهلا....اهلين ياعمري نورت

نادر:بوجودك اختي

ماجدة:تؤبرني شو مشتاقتلك

نادر:انا بالاكتر...شو وين البنات

ماجدة:روح من فضلك نادي للبنات

روح:حاضر ست ماجدة

على طاولة الغدا

ماجدة:رجاءا تنطرو شوي عم استنا ضيف

نادر:ومين هالضيف اختي

ماجدة:محامي الشركة...عزمتو عالغدا و بدنا نناقش كم قصة بعد الغدا

نادر:شي حلو

ماجدة:(بارتباك)اخي انا...

نادر:ماجدة!!هي حياتك و انتي حرة انا مالي علاقة

رن جرس البيت ودخل عامر

عادل:نشالله ماكون تأخرت عليكن

ماجدة(بابتسامة دافية)لا ابدا تفضل

_راقبت تفاصيلهن كلن....بس تركيزي كان معظمو على نادر...كان جذاب بشكل رهيب...عيونو السود عم يقدحو شرر...بشرتو حنطية مع غمازة على خدو اليسار و ابتسامتو رغم انها مزيفة بس جذابة كتير...شكل حواجبو متل السيوف و شعرو اسود و سابل و مرفوع لفوق بطريقة عصرية دقنو خفيفة وعروق ايديه بارزين تيابو كانو سبور شيك و انيق...ريحة عطرو عبقت بالبيت كلو

بشكل لا ارادي انجذبت تجاهو...حسيت في قوة رهيبة عم تشدني الو...و اكيد هو لاحظ نظراتي...بس مو بايدي

و بعتقد انو هاد بيسموه حب!!_

باليوم التالي

مها:يعني ماعم افهم شو الو شغل عنا هاد عادل

سنا:شو بدك فيهن انتي ؟محامي و جاية بشغل شو خصك

مها:ماشفتي نظراتو لامك كيف!!

سنا:عادي...ماما حلوة و اي رجال ممكن يعجب فيها

مها:يعني ماعندك مشكلة انو رجال يعجب بامك!!

سنا:لا وين المشكلة

مها:لك ...سكتي خلص

روح:خلص يابنات ليش الخناق هلأ

سنا:فهميها انو امنا من حقها تعيش يومين بحياتها و من حقها يكون عندا زوج

مها:(بصوت عالي)وصلت معك تقولي زوج!!!لااااااا انا مابتحمل هيك شي...امي مو من حقا تتزوج

روح:مها حبيبتي اهدي....بالنهاية...امك صبية...بعدين

انتي..كبنتها...مابيحقلك تدخلي بشؤونها الخاصة

مها:بس هي امي كيف مابيحقلي

روح:طالما هيه ماعم تعمل شي غلط مابيحقلك

مها:بس هالشي غلط و غلط كبير كمان

روح:مو انتي بتحددي هالشي

مها:(تبكي)يعني رح يصير عندي زوج ام!!!!رح يجي حدا و ياخد مكان بابا

سنا:مها شبكي....اذا كل عمرك كان وقت مات 4 سنين فشو بتتذكري منو

مها:بيضل ابي و ماحدا بياخد مكانو

روح:حبيبتي....هاد الحكي سابق لاوانو كتير....بعدين ماحدا بياخد مكان حدا...كل واحد الو مكانو بهالحياة

و متل ماقالت سنا....كان عمرك 4 سنين...وهلأ عمرك 16 و رح تصيري 17....هدول 12 سنة امك عاشتهن وحيدة

احترميها ولو شوي....وعطيها الحرية و المساحة الي بتحتاجها...لحتى هيه تقرر اذا بدها شريك بحياتها او لا

انفتح الباب بدون مايندق

نادر:كلام روح مزبوط...خلي امك تقرر

(ركدت عليه مها و حضنتو....و انا خجلت لانو كان عم يسمع حديثي كلو)

مها(تبكي)مابدي زوج ام اناااا

نادر:هه الي بيسمعك بيفكر امك تزوجت...طولي بالك بيجوز الزلمة مافي هيك شي براسو

مها:انا متأكدة انو بدو يتزوجها

نادر:خلص اهدي هلأ و بعدين لكل حادث حديث

سنا:خالو....مابدك تسمعنا شي

نادر:انتي بشو و نحنا بشو

سنا:الله يخليك سمعنا شي مقطوعة

نادر:طيب...بعد اذنك انسة روح تجيبي الكمان من غرفتي

روح:انا؟؟

نادر:اي انتي...ليش مابتشتغلي هون انتي

روح:احم...مبلا...حاضر

سنا:ليش هيك حكيت معها خالي

نادر:شوحكيت مو هيه بتشتغل عنكن

سنا:مبلا بس مو خدامة...هيه المربية تبعنا يعني مابتعمل شي بالبيت

نادر:اي ستي غلطنا و منها السماح

اكيد تدايقت من طريقة كلامو معي....بس عذرتو لان مابيعرف انا شو بالضبط...رحت لغرفتو المقيم فيها ببيت ماجدة خانم....فتحت الباب على مهلي...اخدت نفس عميق لاحبس اكبر قدر من عطرو جوا رئتيني....قربت و تناولت الكمان....حملتو بحرص و بعناية...تلمست مكان اصابعو..حضنتو...و كأني عم احضن نادر فيه

روح:تفضل

نادر:شكرا كتير...شوبتحبو تسمعو؟

مها:كدة ياقلبي لشيرين

نادر:حاضر انسة مها

_اخد نفس.....غمض عيونو....و حمل الكمان....مافيني اوصف كمية الوجع بهالموسيقا....كل انة...كل شد عالاوتار ليعطي كل الاحساس الي جواتو...حركات عيونو و هنه مغمضين عم يقولو انو هو كتير حزين....انا متأكدة انو ورا الحانو الحزينة في قلب موجوع...بس كل رجائي

انو مايكون سبب حزنو هو الحب...لانو بوقتا اكيد...رح اطلع من المعركة خسرانة...ادام حب مسببلو كل هالالم جواتو_

سنا:يااااا الله ياخالو مافي احلا من عزفك...اوقات بحسك عمرك 80 سنة من شدة حزنك وبنسى انو عمرك 30

نادر:ههه.....انتي فهمانة عحالك شو عم تحكي

سنا:لك قصدي بحس حزنك عتيق

نادر:موشرط يكون قديم ليكون معتق

روح:الحزن المعتق صعب

نادر:متل كل شي معتق....حلو...قديم...عميق...بيوجع

مها:لك يقطع عمرك عكرتي لخالو

نادر:هه...لاعادي...ورح اعزفلكن ياغالي عليي شو رأيكن

سنا:اي كتييير حلوة

_حزن معتق!!!!....يعني الي بحبو حزين...ومو اي حزن

و ضفت لمعلوماتي عنو انو عمرو 30...مع انو مبين 25

لانو نحيف....يمكن بهاللحظة تمنيت شق صدرو وطالع الحزن من جواتو....لانو مابيلبقلو الا الضحكة..مع انو الحزن عاطيه كاريزما خاصة فيه وحدو...وخلاني حبو اكتر_

باليوم التالي بالشركة

عادل:كيف لقيتي ردة فعل بناتك

ماجدة:بظن انو تقبلوك كضيف

عادل:طيب....انا رح اجي اطلب ايدك من اخوكي

ماجدة(انصدمت)نعم!!!!!!

عادل:انا مابدي علاقة تسلاية و لا علاقة مؤقتة انا بدي اتزوج....صرلي 5 سنين مطلق و ولاد ماعندي...بدي اتزوجك و استقر و لو مالي صادق بمشاعري تجاهك مابفكر اطلب ايدك

ماجدة:بس انت هيك متسرع كتير

عادل:مالي شايف داعي للتأجيل

ماجدة:انا لازم مهد لبناتي

عادل:قلتي انو تقبلوني

ماجدة:كضيف مو اكتر

عادل:و انا مارح دايقهن..مستعد عيش بعيد عنك اول فترة بينما يتأقلمو عالوضع وبعدين بجي بعيش ببيتك

ماجدة(تنهدت)انت ليش عم تبني فرضياتك على اساس اني موافقة

عادل:ليش مالك موافقة!!!!عندك اعتراض عليي؟؟

ماجدة:هدي ولاتفهمني غلط...ماعندي اعتراض عليك بس انا بدي وقت و لو خطبنا هلأ مارح نتزوج قبل 6 شهور

عادل:6 شهور!!!كمااان

ماجدة:هاد الي عندي

عادل:اووف.....طيب..موافق..حاكي اخوكي لاجي اليوم المسا

ماجدة:اوك

عادل:بالاذن

_________

_كنت قاعدة مع البنات.....اليوم اجيت و نادر ماكان موجود....تدايقت كتييير...حسيت لهوا عم يخنقني بدونو

كيف لحقت حبو هيك!!من وين اجت هالمشاعر هي

وهو مالو حاسس بوجودي من الاصل

معقول!!!....معقول تحل عليي لعنة الحب من طرف واحد

معقول ما اقدر الفت نظرو ؟؟

و انا شاردة و عم فكر....ومالي سمعانة البنات شو عم يحكو معي...سمعت صوت باب البيت

صوت خطواتو البطيئة و ريحة عطرو الي وصلت لانفاسي رغم بعد المسافة بيناتنا

اندق باب الغرفة و دخل نادر.....و مافيني اوصف صدمتي باللي شفتو!!_

#يبتع